पत्रकार निरौलासहित पाँच जना पुरस्कृत

द नेप्लिज संवाददाता

२१ असार २०८२, आइतबार

विराटनगर– नारदमुनी पवित्रादेवी स्मृति कोष ग्रामथान–२ झोराहाटले पत्रकार बिक्रम निरौलासहित पाँच जनालाई पुरस्कृत गरेका छन् । कोषले झीलकुमारी लुइँटेल स्मृति पत्रकारिता पुरस्कारबाट निरौलालाई पुरस्कृत गरेको हो ।

कोशी प्रदेशका सभामुखी अम्बरबहादुर बिष्टले पत्रकार निरौलालाई दोसल्ला ओढाएर फूलमाला लगाइ कदर पत्र र ११ हजार १११ रुपैयाँ पुरस्कार राशी हस्तान्तरण गरेका हुन् । यस्तै, कोषले छत्रपति लुइँटेल सेवा निवृत शिक्षक सम्मानबाट सरस्वती माध्यमिक विद्यालय झोराहाटबाट सेवा निवृत दुई जना शिक्षक र उक्त विद्यालयमा अध्ययनरत दुई जना विद्यार्थीलाईसमेत पुरस्कृत गरेका छन् ।

उद्योग वाणिज्य महासंघ कोशीका अध्यक्ष राजेन्द्र राउत र उद्योग संगठन मोरङका अध्यक्ष नन्दकिशोर राठीले संयुक्त रुपमा उक्त विद्यालयका सेवा निवृत पूर्वप्रधानाध्यापक शिवबहादुर अधिकारी र सेवा निवृत शिक्षक नारायण बहादुर न्यौपानेलाई दोसल्ला ओढाएर फूलमाला लगाइ कदर पत्र र ५१–५१ सय नगद हस्तान्तरण गरेका छन् ।

यस्तै, कोषले छत्रपति लुइँटेल स्मृति छात्रवृति सरस्वती मावि झोराहाटको कक्षा १० मा अध्ययनरत रोजिना गच्छदार र कक्षा ९ मा अध्ययनरत आयुस खत्वेलाई प्रदान गरेको छ । विराटनगर महानगर प्रमुख नागेश कोइरालाले रोजिना र आयुसलाई दोसल्ला ओढाएर फूलमाला लगाइ कदर पत्र र २१–२१ सय राशीको छात्रवृति हस्तान्तरण गरेका हुन् ।

कार्यक्रममा सभामुख विष्ट, महानगर प्रमुख कोइराला, अध्यक्ष राउतलगायतले पतिापुर्खाको नाममा स्मृति कोष स्थापना गरेर पुरस्कार वितरणलगायतको कार्यक्रम आयोजना गरेर उहाँहरुको नाम अमर बनाएको भन्दै प्रशंसा गरेका थिए । उनीहरुले छत्रपति लुइँटेलले समाजका लागि विभिन्न क्षेत्रमा पुर्‍याएको योगदानको चर्चा गरेका थिए । कार्यक्रमका सहभागीहरुले छत्रपति लुइँटेल स्मृति ग्रन्थको समेत लोकार्पण गरेका थिए ।

प्रकाशित : २१ असार २०८२, आइतबार 13:46