आगलागी पिडितलाई ह्याविट्याटद्वारा राहत वितरण

द नेप्लिज संवाददाता

६ चैत २०८१, बुधबार

विराटनगर– धनपालथान गाउँपालिका–७ का आगलागी पिडितलाई ह्याविट्याट फर ह्युम्यानिटी नेपालले बुधबार राहत वितरण गरेको छ ।

ह्याविट्याटले त्रिपाल, ब्ल्याङ्केट, म्याट, डोरीलगायतका सामग्री वितरण गरेको ह््याविट्याटका बरिष्ठ प्राविधिक संयोजक राजिव बर्माले बताए । ह्याविट्याटले प्रदेश सांसद तथा सामाजिक विकास समिति सभापति गयानन्द मण्डल, धनपालथान गाउँपालिका अध्यक्ष जीवछ प्रसाद गच्छदार, उपाध्यक्ष नसिमा बानोलगायत वडाध्यक्षहरुको उपस्थितिमा राहत वितरण गरेको हो ।

अमित मियाँको घरमा बिधुत सर्ट भई आगलागी हुँदा मंगलबार घर भित्र रहेकी उनकी ४ वर्षीया छोरी रेस्मा खातुनको जलेर मृत्यू भएको छ । आगलागीबाट स्थानीय १३ घर परिवारको फुसको १६ वटा घर, भान्सा घर ३ र गोठ २ वटा जली नष्ट भएको हो ।

प्रकाशित : ६ चैत २०८१, बुधबार 18:43