२३ असोज २०८२, बिहीबार
09 Oct 2025, Thursday
विराटनगर– पश्चिमी वायुका साथै स्थानीय वायु पनि सक्रिय भए पछि देशका केही ठाउँमा वर्षा भइरहेको जल तथा मौसम विज्ञान विभागले जनाएको छ । विभागले यस अघि गत २४ घण्टामा हल्का, मध्यम र अति भारी वर्षा भएको जनाएको थियो । देशका केही ठाउँमा मध्यम वर्षा भए पनि मोरङको केराबारी स्टेशनको मापन गलत भएको विभागले स्वीकारेको छ । ।
केराबारीको स्टेशनमा ४०१.२ मिलिमिटर मापन भएको थियो । यो अति भारी वर्षा हो । २४ घण्टाको अवधिमा २०० मिलिमिटरभन्दा धेरै वर्षा हुनुलाई अति भारी वर्षा भएको मानिन्छ । तर, यो मापन गलत भएको विभागले प्रष्ट पारेको छ । विभागका सूचना अधिकारी दिनकर कायस्थले केराबारीको स्टेशनमा गरिएको मापन गलत भएको बताए । ‘के कारणले यस्तो समस्या आयो भन्ने बारेमा बुझिरहेका छौँ,’उनले भने,‘यस बारेमा बुझेर पछि थप जानकारी गराउँछौँ ।’ उनको अनुसार उक्त क्षेत्रमा २० मिलिमिटर वर्षा भएको छ । तर त्यहाँको स्टेशनको मापन अस्वभाविक देखिएको उनले स्वीकारे ।
यस्तै गत २४ घण्टामा सप्तरीको रुपनी बजारमा मध्यम वर्षा भएको छ । त्यहाँ ३६ .४ मिलिमिटर वर्षा भएको हो । सप्तरीकै बरमझियामा १९.६ मिलिमिटर पानी परेको छ । मकवारपुर र र प्यूठानमा पनि मध्यम वर्षा भएको छ । सिन्धुली, दोलखा र कास्की लगायतका जिल्लामा हल्का वर्षा भएको विभागले जनाएको छ । आज पनि देशभर मौसम बदली भएको छ । कोशी प्रदेशसहित पहाडी भू-भागमा आंशिकदेखि साधारण बदली भएको मौसम पूर्वानुमान महाशाखाले जनाएको छ ।
मौसमी भाषामा आंशिक बदली हुनु भनेको आकाशमा ५० प्रतिशतसम्म बादल देखिनु हो भने साधारण बदली भनेको ७५ प्रतिशतसम्म आकाश बादलले ढाकिनु हो । त्यसैले आज मधेशबाहेकका बाँकी ६ प्रदेशका केही भू-भागमा चट्याङसहित वर्षा र हिमपातको सम्भावना रहेको छ ।
(विभागको तथ्यांक अनुसार यसअघि पोस्ट गरिएको समाचार मिलाइएको छ । विभागले स्टेशनको मापनमा गडबडी देखिएको बताए पछि समाचार सच्याएका हौँ । प्रधान सम्पादक)
समाचार
पूर्वउपमेयर इन्दिरा कार्कीले मन्त्रिपरिषद्को निर्णय वद्दर गराएर स्थानीय तहलाई दिलाइन् घर बहाल कर उठाउने अधिकार
द नेप्लिज संवाददाता
सरकारमा अहिले मन्त्री फेरबदल हुँदैन : सभापति देउवा
द नेप्लिज संवाददाता
जेनजी आन्दोलनले ध्वस्त विराटनगरका सरकारी संरचनाको धुलो टकटक्याएर सेवा सुरु गर्दै
द नेप्लिज संवाददाता
भाैतिक पूर्वाधार मन्त्रालय काेशीद्वारा प्रदेशमा भएकाे भाैतिक क्षतिकाे अध्ययन गर्न समिति गठन
द नेप्लिज संवाददाता
महासंघद्वारा जिल्ला प्रशासन कार्यालय मोरङको सेवा सुचारुका लागि १० वटा कम्प्युटर सहयोग
द नेप्लिज संवाददाताNo related news found based on tags.
Darbar Media Network Pvt.
Biratnagar-5, Munalpath
+977-9852834483, 984282083
thenepalese1@gmail.com
Copyright © 2024 -2025. The Nepalese. All Rights Reserved
कम्पनी दर्ता नं.- ३५२९५२/८१/८२
Shares