विराट गोल्डकप : आजको खेल त्रिभूवन आर्मी क्लव र रिजालको मोरङ एफसीबीच

द नेप्लिज संवाददाता

२१ फागुन २०८१, बुधबार

विराटनगर– विराट गोल्डकपको आजको खेल विभागीय टोली त्रिभूवन आर्मी क्लव र रिजालको मोरङ एफसीबीच हुने भएको छ । रिजालको मोरङले उद्घाटन खेलमा भारतको साउथर्न समिति फुटवल क्लव कलकतालाई ३–२ ले पराजित गरी विजयी सुरुवात गरेको हो ।

विराट गोल्डकप फुटवल ट्रष्टले ‘विराटनगरको साथ, फुटवलको विकास’ मूल नाराका साथ सञ्चालन गरेको नवौं संस्करणको रात्रिकालीन विराट गोल्डकप फुटवल प्रतियोगिता २०८१ को तेस्रो खेल बुधबार आर्मी क्लव र रिजालको मोरङबीच हुने छ ।

आयोजक समितिका संयोजक नविन रिजालले विराट गोल्डकप हेर्न आउने दर्शकलाई सांस्कृतिक मनोरञ्जन गराएपछि साँझ ६ः३० बजेदेखि फुटवल प्रतियोगिता सुरु हुने बताएका छन् । विराट गोल्डकपको मंगलबार भएको दोस्रो खेलमा विभागीय टोली तथा साविक विजेता एपीएफ फुटवल क्वलले सुदेभा दिल्ली फुटवल क्लवलाई टाइब्रेकरमा ३–२ ले पराजित गरेको थियो । विराट गोल्डकप फुटवल प्रतियोगिता आयोजक समितिले १० दिनसम्म हुने प्रतियोगिताका लागि १० वटा फुटवल टिमको छनोट गरेको हो ।

प्रकाशित : २१ फागुन २०८१, बुधबार 06:31