विराटनगर – बिहेको प्रस्ताव अस्वीकारेको रिसमा एक व्यक्तिले रुपन्देहीको बुटवल उपमहानगरपालिका–११ बुद्धनगरकी २९ वर्षीया टीका विष्ट क्षेत्रीमाथि शनिबार बिहान गोली प्रहार गरेको खुलासा भएको छ । हाल बुटवलमा खाजा पसल सञ्चालन गरिरहेकी टीकाको पुर्ख्यौली थलो पाल्पाको रैनादेवी छहरा गाउँपालिका हो । बिहान करिब ८ बजेतिर भएको गोली प्रहारबाट उनी गम्भीर घाइते भएकी छन् ।
इलाका प्रहरी कार्यालय बुटवलका डिएसपी इन्द्र बहादुर रानाका अनुसार एकतर्फी प्रेममा रहेका व्यक्तिले विहेको प्रस्ताव अस्वीकार भएपछि गोली हानेका छन् । घटनामा संलग्न रहेको आशंकामा आलम अन्सारीको खोजी भइरहेको उनले बताए । परिवार र प्रत्यक्षदर्शीले पनि उनीमाथि शंका गरेका छन् ।
घटनालगत्तै घाइते क्षेत्रीलाई लुम्बिनी प्रादेशिक अस्पताल लगिएको थियो । अवस्था गम्भीर भएपछि उनलाई भैरहवाको युनिभर्सल मेडिकल कलेजमा ल्याइएको र हाल थप उपचारका लागि चितवन पठाइएको अस्पताल स्रोतले जनाएको छ । डाक्टरका अनुसार गोली उनको कम्मरमा लागेको छ र निकाल्न जटिल भएकाले चितवन ‘रिफर’ गरिएको हो ।
प्रहरीले घटनाको अनुसन्धान तीव्र बनाएको छ । डिएसपी रानाका अनुसार गोली चलाउने युवक नेपाली वा भारतीय नागरिक हुन् भन्ने विषयमा अझै पुष्टि भइसकेको छैन ।
रेडबुल खाएर गोली हानिएको दाबी
एक प्रत्यक्षदर्शीका अनुसार भारतीय नम्बर प्लेट भएको मोटरसाइकलमा आएका ती युवकले टीकाको खाजा पसलमा अण्डा, चाउचाउ र रेडबुल अर्डर गरेका थिए । खाना खाइसकेपछि उनले रेडबुल पिए र त्यसपछि टीकामाथि गोली चलाए । गोली प्रहारलगत्तै उनी मोटरसाइकल चढेर भागेका थिए ।
स्थानीयवासीका अनुसार ती युवक विगतमा पनि उक्त खाजा पसलमा बारम्बार आउँथे । प्रहरीले पसल वरपरका सीसीटीभी फुटेज संकलन गरी अनुसन्धान अघि बढाएको जनाएको छ । प्रहरीले घटनालाई गम्भीर मान्दै अनुसन्धानलाई प्राथमिकतामा राखेको छ भने महिला विरुद्ध हुने हिंसात्मक घटनाहरूमा कडाइका साथ कारबाही गरिने जनाएको छ ।
समाचार
योगले आत्मा, शरीर र मनबीचको सन्तुलन कायम गराउँछः उपराष्ट्रपति यादव
द नेप्लिज संवाददातासंकटमा उद्धार चाहिँ भैयाले नै गर्छ...
द नेप्लिज संवाददाताकोशी सरकारबिरुद्ध कारण देखाउ आदेश
द नेप्लिज संवाददातादृष्टिको ‘सेटिङ रिपोर्ट’ अब न्यायिक परीक्षणमा : शम्भु श्रेष्ठमाथि फौजदारी प्रक्रिया सुरू
द नेप्लिज संवाददातामनमोहन प्राविधिक विश्वविद्यालय पार्टी विश्वविद्यालय भएको छः पूर्वमुख्यमन्त्री कार्की
द नेप्लिज संवाददाताDarbar Media Network Pvt.
Biratnagar-5, Munalpath
+977-9852834483, 984282083
thenepalese1@gmail.com
Copyright © 2024 -2025. The Nepalese. All Rights Reserved
Shares