मृतकका परिवारलाई सरकारले १०/१० लाख दिने निर्णय

द नेप्लिज संवाददाता

२० चैत २०८१, बुधबार

काठमाडौं– सरकारले तीनकुने घटनामा ज्यान गुमाएका सुरेश रजक र सविन महर्जनका परिवारलाई १०–१० लाख रुपैयाँ राहत उपलब्ध गराउने निर्णय गरेको छ । गृहमन्त्री रमेश लेखकको सचिवालयका अनुसार गृहमन्त्रीस्तरीय निर्णयमार्फत मृतकका परिवारलाई राहत दिने निर्णय गरिएको हो ।

चैत १५ गते काठमाडौंको तीनकुनेमा राजावादीहरूद्वारा आयोजित विरोध प्रदर्शनका क्रममा दुई जनाको ज्यान गएको थियो । पत्रकार सुरेश रजक आगोमा परेर जलेका थिए भने कीर्तिपुरका सविन महर्जनलाई गोली लागेको थियो ।

यस घटनाले सामाजिक र राजनीतिक वृत्तमा चर्चा पाएको छ । सरकारको निर्णय पीडित परिवारका लागि राहत भए पनि यस घटनाका दोषी पहिचान गरी कानूनी कारबाही गर्नुपर्ने माग उठिरहेको छ ।

प्रकाशित : २० चैत २०८१, बुधबार 16:57