२६ साउन २०८२, सोमबार
11 Aug 2025, Monday
विराटनगर- काठमाडौंको शंकरापुर - ६ साँखु, सलम्बुटारस्थित आश्रयस्थलमा शुक्रबार बिहान सबै जना मस्त निंद्रामा रहेको बेला टिपर पस्दा तीन जनाको ज्यान गएको छ।
द्वन्द्वपीडित तथा अपांग समाज नेपाल (सीभीडीएस)ले सञ्चालन गरेको आश्रयस्थलमा बिहान करिब ३ बजेर ४० मिनेटमा बा २ क ६५८० नम्बरको टिपर बाटो छाडेर आश्रयस्थलको टहराभित्र हुत्तिंदा दुर्घटना भएको हो । उक्त टहरामा बेसहारा बालबालिका र वृद्धवृद्धाहरू बस्छन् ।
प्रहरीका अनुसार टिपरको ठक्करबाट दुई जना बच्चा र एक वृद्धको मृत्यु भएको छ । दुर्घटनामा घाइतेलाई नेपाल मेडिकल कलेज अत्तरखेल जोरपाटी पुर्याउँदा चिकित्सकले मृत घोषणा गरेको प्रहरीले जनाएको छ। टिपरको ठक्करबाट २१ वर्षीय आकाश, २१ कै सुमन र ४५ वर्षीय हरिजनको मृत्यु भएको प्रहरीले जनाएको छ। बेवारिसे फेला परेकाहरुको नाम र ठेगाना खुलेको छैन । यी नामहरु आश्रमले राखिदिएका हुन् ।
टिपर चालक सिन्धुपाल्चोक मेलम्ची नगरपालिका- १२ का २५ वर्षीय सागर माझीलाई प्रहरीले नियन्त्रणमा लिएको छ। उक्त क्षेत्रमा लामो समयदेखि टिपरको आतंक छ। स्थानीयले मापदण्डअनुसार मात्रै टिपर चलाउन माग गर्दै आए पनि प्रहरी, ट्राफिक प्रहरी र नगरपालिकाको मिलोमतोमा सुनुवाइ हुन नसकेको स्थानीयको आरोप छ।
अहिले टिपरलाई डोजरको सहायताले तानेर बाहिर निकालिएको छ । सीभीडीएसले सलम्बुटारमा २०६२ सालदेखि सञ्चालन आश्रयस्थलमा ६१ जना बस्दै आएका थिए । तीमध्ये १० जना बसेको टहरामा टिपर छिरेको थियो ।
समाचार
चुरे क्षेत्रमा खुल्लेयाम ढुंगागिट्टी उत्खनन
द नेप्लिज संवाददाता
मन्त्री भूपेन्द्र राईको एक वर्षको काम : ६७ प्रतिशत बेरुजु फर्छयौट, सात वटै प्रदेशको भौतिक पूर्वाधारमा सबभन्दा बढी ७३.६९ प्रतिशत बजेट खर्च
द नेप्लिज संवाददाता
संसदीय व्यवस्थामा संख्याको खेल हुने र बहुमत पुर्याउनुपर्ने हुन्छ : शेखर कोइराला
द नेप्लिज संवाददाता
वनमन्त्री यादवको गृह जिल्ला : बिरुवा नै उत्पादन नगरी योजना शाखा प्रमुख चौधरी लिए भुक्तानी
द नेप्लिज संवाददाता
अर्बपति विनोद चौधरीविरुद्धको मुद्दा सर्वोच्चमा हेर्न नभ्याइने, चार महिनापछि अर्को पेसी
द नेप्लिज संवाददाता
कम्पनी दर्ता नं.- ३५२९५२/८१/८२Darbar Media Network Pvt.
Biratnagar-5, Munalpath
+977-9852834483, 984282083
thenepalese1@gmail.com
Copyright © 2024 -2025. The Nepalese. All Rights Reserved
Shares