अबैध सुनचाँदी कारोबारमा चार भारतीय पक्राउ

द नेप्लिज संवाददाता

१२ फागुन २०८१, सोमबार

विराटनगर– अबैध सुन चाँदी कारोबारमा संलग्न रहेको आरोपमा ४ भारतीय नागरिकलाई शुक्रबार प्रहरीले पक्राउ गरेको छ । पक्राउ पर्नेहरू काठमाडौं–२४ नरदेवी बस्ने भारत महाराष्ट्र प्रदेश सोलापुरका ४२ वर्षीय एकनाथ दशरथ खाडेकर, १९ वर्षीय वैभव घुतुगेड, २९ वर्षीय सम्राट यादव र ४० वर्षीय दिनेश मेहेति रहेको केन्द्रीय प्रहरीले जनाएको छ ।
काठमाडौँ–२४ स्थित एक घरमा भन्सार छली तथा निकासी पैठारी गरी ल्याइएको सुनचाँदीको कारोबाट भइरहेको सूचनाको आधारमा प्रहरीले छापा मारेको थियो । केन्द्रीय प्रहरीका अनुसार उनीहरूबाट सुन जस्तो देखिने धातुका टुक्राहरु २ सय ४७ ग्राम ७ सय २० मिलिग्राम, चाँदी जस्तो देखिने धातुका टुक्राहरु ५ किलो ६ सय ग्राम र नगद १० लाख ७५ हजार रूपैयाँ बरामद भएको छ । उनीहरूलाई आवश्यक अनुसन्धान तथा कारवाहीको लागी त्रिभुवन विमानस्थल भन्सार कार्यालय पठाइएको छ ।

प्रकाशित : १२ फागुन २०८१, सोमबार 15:35