एम्बुलेन्समा लागुऔषधको तस्करी

द नेप्लिज संवाददाता

२३ चैत २०८१, शनिबार

विराटनगर– प्रहरीले शनिबार राति ललितपुर क्षेत्रमा एम्बुलेन्समा लुकाएर ल्याएको लागुऔषधसहित ४ भारतीय नागरिकलाई पक्राउ गरेको छ ।

प्रहरीक अनुसार राति २ बजेतिर ललितपुर बागमती गाउँपालिका– ३ छपेली भट्टेडाँडामा भारतीय नम्बर प्लेट बिआर ०५ पिए ०४२१ नम्बरको एम्बुलेन्स शंका लागेर चेक गर्दा लागूऔषध तस्करीको यो अदभुत तरिकाको खुलासा भएको हो ।
प्रहरी टोलीले एम्बुलेन्सभित्रबाट लागुऔषध ट्रामाडोल ९३ हजार ८ सय क्याप्सुल बरामद गरेको हो । घटनास्थल प्रहरी चौकी भट्टेडाँडाबाट अन्दाजी १ किमी पूर्व पर्छ ।

पक्राउ पर्नेमा भारतीय नागरिक २० वर्षीय समिर आलम, ३३ वर्षीय मुन्ना अन्सारी, ४५ वर्षीया नोर्जान खातुन र चालक मोहम्मद उमर छन् । एम्बुलेन्सको चाबी लिएर राति नै फरार भए उमरलाई पनि शनिबार बिहान घटनास्थलभन्दा करिब १ किलोमिटरको दुरीमा पक्राउ गरिएको प्रहरीले भनेको छ । पक्राउ महिलालाई भने प्रहरीले सार्वजनिक गरेको छैन ।

बयानका क्रममा उनीहरूले बिरामी भएको नाटक गरी उक्त लागुऔषध काठमाडौं भित्र्याउन खोजेको बताएका छन् । उनीहरूले एक नेपालीको माग अनुसार ल्याएको बताएका छन् । यद्यपि ती फरार व्यक्तिको खोजी भइरहेको प्रहरीले जनाएको छ।

प्रकाशित : २३ चैत २०८१, शनिबार 13:40