राजावादी आन्दोलनका सहभागीहरु लुटपाट र तोडफोडमा उत्रेपछि काठमाडौंमा कर्फ्यू

द नेप्लिज संवाददाता

१५ चैत २०८१, शुक्रबार

विराटनगर– राजावदीहरुले आन्दोलनका क्रममा सार्वजनिक पसल, घर, कार्यालयमा शुक्रबार तोडफोड गर्दै लुटपाटमा उत्रेपछि जिल्ला प्रशासन कार्यालय काठमाडौंले कर्फ्यू लगाएको छ ।

काठमाडौंका प्रमुख जिल्ला अधिकारी श्रषिराम तिवारीले बनोश्वर तिनकुने क्षेत्रमा कर्फ्यू आदेश जारी गरेका छन् । २०८१ साल चैत १५ गते अपरान्ह ४ः२५ बजेदेखि राती १० बजेसम्मका लागि स्थानीय प्रशासन ऐन २०२८ को दफा ६ (क) बमोजिम कर्फ्यू आदेश जारी गरेको क्षेत्रमा कसैले आवत जावत गर्न, कुनैपनि प्रकारको भेला, जुलुस, प्रदर्शन, सभा, बैठक, घेराउ गर्न नपाउने कर्फ्यू आदेशमा उल्लेख छ ।

आदेशमा गौशालादेखि एयरपोर्ट, गैरीधारा, तीनकुने हुँदै कोटेश्वर, कोटेश्वरदेखि बालकुमारी पुलसम्म, गौशाला चोकदेखि पुरानो बानेश्वर हुँदै नयाँबानेश्वरसम्म चार किल्ला तोकेर कर्फ्यू आदेश जारी गरिएको छ ।

आन्दोलनकारीहरुले भाटभटेनी सुपरमार्केटमा तोडफोड् गर्दै लुटपाट गरेको, सडकछेउको घरहरुमा ढुंगा प्रहार गर्दै आगजनी गर्दै आन्दोलन अनियन्त्रित भएपछि स्थानीय प्रशासनले कर्फ्यू आदेश जारी गरेको छ ।

प्रकाशित : १५ चैत २०८१, शुक्रबार 17:17