चर्च ब्वाइजले पुलिसलाई हराउँदै विराट गाेल्डकपकाे फाइनलमा

द नेप्लिज संवाददाता

२६ फागुन २०८१, सोमबार

विराटनगर– विराट गोल्डकपको साेमबार भएकाे खेलमा चर्च ब्वाइजले नेपाल पुलिस क्लबलाई पराजित गर्दै फाइनलमा पुगेकाे छ । चर्च ब्वाइजले पुलिस क्लबलाई १-० गाेलले पराजित गर्दै फाइनलमा पुगेकाे हाे ।

पहिलाे हाफ गाेलरहित खेलकाे दाेस्राे हाफमा चर्च ब्वाइजका लाक्पा पाख्रिनले खेलकाे ७० अैाँ मिनेटमा गरेकाे गाेल निर्णायक रहयाे । खेलकाे सुरूमा पुलिसले आक्रामक खेलेकाे थियाे भने पछिल्लाे समय चर्च ब्वाइजले झन आक्रामक खेल्दै फाइनल यात्रा तय गरेकाे हाे । खेलकाे प्लेयर अफ द म्याच चर्च ब्वाइजका डिफेन्डर गाैरव श्रेष्ठ भए । उनले ११ हजार पुरस्कार प्राप्त गरे ।

रात्रीकालिन नवौँ संस्करणको विराट गोल्डकपको उपाधीका लागि फाइनल खेलमा बुधबार चर्च ब्वाइजले थ्रीस्टारसँग प्रतिस्पर्धा गर्नेछ । पहिलो सेमिफाइनलमा आइतबार विभागीय टिम त्रिभूवन आर्मी क्लबलाई थ्रीस्टारले ३–२ गोल अन्तरले पराजित गर्दै फाइनलमा पुगेको हो ।

विराट गोल्डकप फुटवल ट्रष्टले ‘विराटनगरको साथ, फुटवलको विकास’ मूल नाराका साथ सञ्चालन गरेको नवौं संस्करणको रात्रिकालीन विराट गोल्डकप फुटवल प्रतियोगिता २०८१ को फाइनल खेल फाल्गुन २८ गते बुधबार साँझ ६:३० बजे हुनेछ ।

प्रकाशित : २६ फागुन २०८१, सोमबार 20:45