विराटनगरमा एप्रिलिया भेष्पाको शोरुम

द नेप्लिज संवाददाता

२ फागुन २०८१, शुक्रबार

विराटनगर– गौरब अटो सेन्टरले विराटनगरको बरगाछीमा ‘एप्रिलिया भेष्पा स्कुटर’को शोरुम सञ्चालनमा ल्याएको छ । पूर्वमुख्य न्यायाधिवक्ता रुपेश कोइरालाले एप्रिलिया भेष्पाको शोरुमको उद्घाटन गरेपछि सञ्चालनमा आएको हो ।

गौरब अटो सेन्टरले ४ करोड लागतमा सञ्चालन गरेको उक्त शोरुममा एप्रिलिया स्कुटर २ लाख ८८ हजारदेखि ४ लाख ६५ हजारसम्मका र भेष्पाको ३ लाख १ हजारदेखि ४ लाख ४२ हजार रुपैयाँ मूल्यसम्मको विभिन्न ब्राण्डको स्कुटर रहेको बताए ।

‘सन् १९४६ देखि हालसम्म ७९ वर्षको इतिहास बोकेको एप्रिलिया भेष्पा इटालियन स्कुटर कम्पनी भएको र यसको आकर्षक मोडेल तथा आउटलुकका साथै मेटल र फाइबर दुबै किसिमको बडी रहेको छ,’ सोरुम सञ्चालक गौरब सिंहले भने, ‘दुई वर्षको वारेण्टीका साथै स्पेयर पार्टस सहजै उपलब्ध हुनुका साथै नगदमा स्कुटर खरिद गर्नेलाई १० हजार क्यास ब्याक, कप, की रिंग, ज्याकेट र हेल्मेट उपलब्ध गराउँछौं ।’

प्रकाशित : २ फागुन २०८१, शुक्रबार 14:49