बलात्कार र हत्या गर्ने पक्राउ

१४ फागुन २०८१, बुधबार

विराटनगर– १० वर्षीया बालिकालाई बलात्कार गरेको आरोपमा सुनसरी ईटहरी–१६ का ६८ वर्षीय तुलसीराम निरौलालाई प्रहरीले पक्राउ गरेको छ । निरौलाले ती बालिकालाई जबरजस्ती करणी गरेको उजुरीको आधारमा इलाका प्रहरी कार्यालय पकलीको टोलीले उनलाई पक्राउ गरेको हो ।

यस्तै, रोल्पाको त्रिवेणी–६ थुम्का का ४० वर्षीय खिमलाल बुढालाई ३२ वर्षीया पत्नी अस्मिता बुढामगरको हत्या गरेको आरोपमा प्रहरीले पक्राउ गरेको छ । रिसको झोकमा खिमलालले खुकुरी प्रहार गर्दा अस्मिताको घटनास्थलमै मृत्यु भएको प्रहरीले जनाएको छ । दुवै घटनामा थप अनुसन्धान भइरहेको प्रहरीले जनाएको छ

प्रकाशित : १४ फागुन २०८१, बुधबार 17:44