अवैध लागूऔषधसहित विभिन्न स्थानबाट ११ जना पक्राउ

द नेप्लिज संवाददाता

५ चैत २०८१, मङ्गलबार

विराटनगर – प्रहरीले नेपालका विभिन्न स्थानबाट अवैध लागूऔषध ओसारपसारमा संलग्न ११ जनालाई पक्राउ गरेको छ।

विराटनगर-१६ बाट फेनारगन, डाइजेपाम, एभिल, लुपिजेसिक (२८ एम्पुल) सहित ३८ वर्षीय कर्ण बहादुर राई, विराटनगर-१५ बाट ४.८ ग्राम खैरो हेरोइन सहित तीन जना, तथा विराटनगर-१६ दक्षिण गेटबाट नाइट्राभेट १०५ ट्याब्लेट र अन्य लागूऔषध सहित दुई जना पक्राउ परेका छन्।

धरान-११ बाट ट्रामाडोल र स्पास्पेन ४२० ट्याब्लेट सहित ३६ वर्षीय बिनोद राई, रूकुम पश्चिम-१ बाट ट्रामाडोल, स्टास्टेन र नगद सहित २४ वर्षीय गोपाल गुरूङ, रूपन्देहीको गौतम बुद्ध अन्तर्राष्ट्रिय विमानस्थलबाट ७.५ किलो गाँजा सहित भारतीय नागरिक गुलनाज बैग, तथा झापाको मेचीपुलबाट १.८४ ग्राम खैरो हेरोइन सहित दुई जना पक्राउ परेका छन्।

प्रहरीले पक्राउ परेकाहरूमाथि थप अनुसन्धान गरिरहेको जनाएको छ।

प्रकाशित : ५ चैत २०८१, मङ्गलबार 13:52