रवीन्द्र मिश्रसहित २५ जनालाई ७ दिनको म्याद थप

द नेप्लिज संवाददाता

१४ वैशाख २०८२, आइतबार

काठमाडौँ– चैत १५ मा तीनकुनेमा भएको राजावादीको हिंसात्मक प्रदर्शनमा पक्राउ परेका राप्रपा वरिष्ठ उपाध्यक्ष रवीन्द्र मिश्रसहित २५ जनालाई काठमाडौँ जिल्ला अदालतले ७ दिनको म्याद थपेको छ ।

न्यायाधीश ईश्वरीप्रसाद भण्डारीको इजलासले आइतबार मिश्र, आन्दोलनका कमान्डर दुर्गा प्रसाईं लगायतका व्यक्तिहरूसँग सम्बन्धित थप म्यादको आदेश दिएको हो । उनीहरूलाई राज्यविरुद्धको र संगठित अपराधसम्बन्धी कसुरको अनुसन्धानका क्रममा थप म्याद दिइएको छ ।

सूचना अधिकारी दीपककुमार श्रेष्ठका अनुसार म्याद थपका लागि जिल्ला सरकारी वकिलको कार्यालयले आइतबार अदालतमा पेस गरेको थियो । उक्त हिंसात्मक प्रदर्शनमा दुइ जनाको मृत्यु भएको र अन्य धेरै घाइते भएको बताइएको छ । न्यायिक प्रक्रियाका अनुसार गिरफ्तार व्यक्तिहरूसँग थप अनुसन्धान गरिंदैछ ।

प्रकाशित : १४ वैशाख २०८२, आइतबार 21:04