पूर्वविशिष्टलाई आजिवन सुबिधामा शेखर कोइरालाको विरोध

द नेप्लिज संवाददाता

१ चैत २०८१, शुक्रबार

विराटनगर– कांग्रेस नेता शेखर कोइरालाले सरकारले पूर्वविशिष्ट पदाधिकारीलाई आजिवन सुबिधा दिने व्गरी ल्याउन लागेको विधेयकप्रति विरोध जनाएका छन् । गृह मन्त्रालयले पूर्वविशिष्ट पदाधिकारीको सुबिधासम्बन्धी व्यवस्था गर्न बनेको विधेयक तर्जुमा गर्न सैद्धान्तिक सहमतिका लागि गरेको प्रस्ताव मन्त्रिपरिषद्को २०८१ पुस ९ गतेको बैठकले स्विकृत गरेको विषय बाहिरिएपछि कोइरालाले विरोध जनाएका हुन् ।

‘विनास काले विपरित बुद्धि : सरकार कुशासनको दुश्चक्रमा परेको भन्दै नागरिकको बढ्दो आक्रोश छ,’ कोइरालाले सामाजिक सञ्जाल फेसबुकमा लेखेका छन्, ‘सत्तारुढ पार्टीभित्र नै सरकारको कामको तिव्र विरोध र गलत तत्वहरुले सडक तताइरहेको संवेदनशील अबस्थामा अर्को दुस्कर्मको प्रयास पूर्वविशिष्टलाई आजिवन सुबिधा हो । यस्ता कामले व्यवस्था र पार्टीको हित गर्दैन । सरकार, यस्ता काम अघि नबढाउ, बरु दिइएको सुबिधा पनि घटाऊ ।

प्रकाशित : १ चैत २०८१, शुक्रबार 22:50