नेपाली कांग्रेसकी सांसद माया राई काठमाडौँको कपनबाट पक्राउ

द नेप्लिज संवाददाता

१४ वैशाख २०८२, आइतबार

विराटनगर– नेपाली कांग्रेसकी सांसद माया राईलाई काठमाडौँको कपन क्षेत्रबाट प्रहरीले पक्राउ गरेको छ । उपत्यका अपराध अनुसन्धान कार्यालयका प्रमुख एसएसपी रमेश बस्नेतका अनुसार शनिबार साँझ सांसद राईलाई पक्राउ गरिएको हो । राईविरुद्ध यसअघि नै अदालतबाट पक्राउ पुर्जी जारी भएको थियो ।

सांसद राई स्वर्णलक्ष्मी बचत तथा ऋण सहकारी संस्था, कालिमाटीको कोष अपचलन प्रकरणमा संलग्न रहेको आरोपमा पक्राउ परेकी हुन् । उनले उक्त सहकारीको रकम दुरुपयोग गरेको आशंकामा अनुसन्धान जारी रहेको प्रहरीले जनाएको छ ।

यसअघि सहकारी पीडितहरूले उनीसहित विभिन्न सञ्चालकमाथि कारबाहीको माग गर्दै उजुरी दर्ता गराएका थिए । अदालतबाट पक्राउ अनुमति प्राप्त भएपछि प्रहरीले राईलाई नियन्त्रणमा लिएको हो । स्वर्णलक्ष्मी सहकारीको ठूलो संख्यामा बचतकर्ताले लगानी गरेको रकम फस्र्यौट नहुँदा पीडितहरूले लामो समयदेखि न्यायको माग गर्दै आएका छन् । पक्राउ परेकी सांसद राईलाई आवश्यक अनुसन्धानका लागि प्रहरी हिरासतमा राखिएको छ ।

प्रकाशित : १४ वैशाख २०८२, आइतबार 06:22