कांग्रेसमा एक सय तरुण युवा प्रवेश

द नेप्लिज संवाददाता

२३ चैत २०८१, शनिबार

विराटनगर– नेपाली कांग्रेस विराटनगर महानगरपालिकाले शनिबार आयोजना गरेको पार्टी प्रवेश कार्यक्रममा एक सय जनाभन्दा बढी युवा तथा तरुण प्रवेश गरेका छन् । पार्टीमा प्रवेश गरेका तरुण युवाहरुलाई पूर्वमुख्यमन्त्री केदार कार्की, मोरङ कांग्रेसका कार्यवाहक सभापति भक्तिानाथ माझी, पार्टीका महानगर सभापति दिपक चापागाइँले फूलमाला अबीर लगाएर पार्टीमा स्वागत गरेका थिए ।

कार्यक्रममा कार्यबाहक सभापति माझी, पूर्वमुख्यमन्त्री कार्की, सभापति चापागाइँले पार्टीलाई चलायमान बनाउन सबैको सक्रीय भूमिका अपरिहार्य रहेको बताएका छन् । उनीहरुले पार्टीको नीति अनुसार टोल टोलमा गतिविधिलाई तिव्रतापूर्वक अघि बढाउनु आवश्यक रहेको बताएका हुन् ।

कार्यक्रममा पार्टीका जिल्ला सचिवद्वय मोदराज घिमिरे र ललित श्रेष्ठ, तरुण दल केन्द्रीय सदस्य विष्णु भुर्तेल, तरुण दल मोरङका उपसभापति खेम थापा, मुकेश कार्कीलगायत विभिन्न भातृ सङ्गठनका नेताहरूकोसमेत सहभागिता रहेको थियो।

प्रकाशित : २३ चैत २०८१, शनिबार 21:36