विराटनगर– भारतले मई ७ बाट थालेको ‘अपरेशन सिन्दूर’ अन्तर्गत पाकिस्तान र पाकिस्तान अधिनस्थ कश्मीर (पीओके)मा लक्षित हवाई आक्रमणमा पाँच जना प्रमुख आतंककारी मारिएका छन्। भारतीय रक्षा मन्त्रालयका अनुसार यी आतंककारीहरू लश्कर–ए–तैयबा (एलईटी) र जैश–ए–मोहम्मद (जेईएम)सँग सम्बन्धित थिए।

मुदस्सर खादियान खास उर्फ अबु जिन्दल : लश्कर–ए–तैयबाका वरिष्ठ नेता, जो मरकज तैबा मुरिडकेका प्रमुख थिए।हाफिज मुहम्मद जमील : जैश–ए–मोहम्मदका आतंककारी, मौलाना मसूद अजहरका साला र मरकज सुभान अल्लाह बहावलपुरका इन्चार्ज।

मोहम्मद युसुफ अजहर : जैश–ए–मोहम्मदका वरिष्ठ सदस्य, मौलाना मसूद अजहरका साला र सी–८१४ विमान अपहरणमा संलग्न।खालिद उर्फ अबु आकाशा : लश्कर–ए–तैयबाका आतंककारी, जम्मू–कश्मीरमा भएका धेरै आतंकवादी आक्रमणमा संलग्न।

मोहम्मद हसन खान : जैश–ए–मोहम्मदका पीओके अपरेशनल कमाण्डर मुफ्ती असगर खान कश्मीरीका छोरा, जम्मू–कश्मीरमा आतंकवादी आक्रमणहरूको समन्वयमा संलग्न।

भारतले यो अपरेशन जम्मू–कश्मीरको पहलगाममा अप्रिल २२ मा भएको आतंकवादी आक्रमणको प्रतिशोधस्वरूप सुरु गरेको हो, जसमा नेपाली सहित २६ पर्यटकको मृत्यु भएको थियो।

अपरेशन सिन्दूरपछि भारत र पाकिस्तानबीचको तनाव चुलिएको छ। दुवै देशले मिसाइल आक्रमण र हवाई लडाइँमा संलग्न भएका छन्, जसमा सयौँ लडाकु विमान सहभागी छन् । पाकिस्तानले पाँच भारतीय लडाकु विमान खसालेको दाबी गरेको छ, तर भारतले यसको पुष्टि गरेको छैन।

अमेरिका, बेलायत, चीन, जी७ राष्ट्रहरू, साउदी अरेबिया र टर्कीले दुवै पक्षलाई संयमता अपनाउन आग्रह गरेका छन्। भारत र पाकिस्तान दुवै देशले एकअर्काको प्रतिक्रियामा तनाव नबढाउने प्रतिबद्धता जनाएका छन्।

भारतको अपरेशन सिन्दूरले आतंकवादी संगठनहरूलाई ठूलो क्षति पुर्याएको छ ।  तर यसले भारत–पाकिस्तानबीचको तनावलाई पनि चुल्याएको छ। अन्तर्राष्ट्रिय समुदायले दुवै पक्षलाई संयमता अपनाउन आग्रह गरिरहेको छ, तर स्थायी समाधानका लागि राजनीतिक संवाद आवश्यक देखिन्छ।