सावधानीका लागि सुझाव :
चट्याङ्ग र मेघगर्जनका बेला खुला स्थानमा नबस्ने ।
सडक तथा हवाई यातायातमा सम्भावित अवरोधको लागि तयारी रहने ।
कृषि कार्यमा वर्षाको प्रभावलाई ध्यानमा राख्दै आवश्यक उपायहरू अपनाउने ।
 

काठमाडौँ — हाल देशमा पश्चिमी र स्थानीय वायुले प्रभाव जमाएको छ । साथै भारतको उत्तर प्रदेश आसपास रहेको न्यूनचापीय क्षेत्रको प्रभावले पनि नेपालको मौसममा असर परेको छ । यसको प्रभावस्वरूप कोशी, बागमती, गण्डकी, कर्णाली र सुदूरपश्चिम प्रदेशको पहाडी भूभागमा आंशिकदेखि सामान्य बदली रहेको छ । कोशी, बागमती र गण्डकी प्रदेशका केही स्थानमा चट्याङ्गसहित हल्कादेखि मध्यम वर्षा भइरहेको छ ।

आज दिउँसो सातै प्रदेशमा आंशिकदेखि सामान्य बदली रहनेछ । साथै चट्याङ्गसहित हल्कादेखि मध्यम वर्षाको सम्भावना छ । कोशी, बागमती र गण्डकी प्रदेशका उच्च पहाडी तथा हिमाली भूभागका एक–दुई स्थानमा हिमपातको सम्भावना पनि छ ।

राति पनि यो क्रम जारी रहनेछ । सातै प्रदेशमा चट्याङ्गसहित वर्षा तथा उच्च पहाडी तथा हिमाली भूभागमा हिमपातको सम्भावना रहेकाले कृषि, दैनिक जनजीवन, स्वास्थ्य, सडक तथा हवाई यातायातमा असर पर्न सक्ने भएकाले आवश्यक सतर्कता अपनाउन मौसम पूर्वानुमान महाशाखाले अनुरोध गरेको छ ।

विराटनगरमा आज बिहान आंशिक बदली रहेको छ । दिउँसो केही स्थानमा मेघगर्जनसहित वर्षा हुन सक्ने सम्भावना छ । अधिकतम तापक्रम ३० डिग्री सेल्सियस र न्यूनतम तापक्रम २१ डिग्री सेल्सियस रहने अनुमान गरिएको छ ।